ჩოხატაურის მუნიციპალიტეტი დასავლეთ საქართველოს ტერიტორიაზე, გურიის მხარეში, ზღვის დონიდან 150 მ-ზე მდებარეობს. მას ჩრდილოეთით სამტრედიისა და ვანის, აღმოსავლეთით – ვანის, სამხრეთით- ხულოსა და ადიგენის, დასავლეთით კი ოზურგეთისა და ლანჩხუთის მუნიციპალიტეტები ესაზღვრება. ჩოხატაურის მუნიციპალიტეტის საერთო ფართობი 820 კმ²-ია, მოსახლეობის რაოდენობა, 2017 წლის მონაცემებით, 18,415 ადამიანს შეადგენს. მუნიციპალიტეტში 2 დაბა და 60 სოფელია. ჩოხატაურის უმეტესი ნაწილი მთაგორიანია. მუნიციპალიტეტი ბარში ზღვის სუბტროპიკული ჰავით, მთებში კი – ნოტიო ჰავით ხასიათდება. ჩოხატაური განსაკუთრებით მიმზიდველი სიარულისა და მთის მოყვარული ტურისტებისთვის არის, რადგან ის გვთავაზობს მთის კურორტ – ბახმაროს, სადაც ზღვისა და მთის ჰაერი ერთმანეთს ერწყმის და შთამბეჭდავ ბუნებასთან ერთად, ქმნის უნიკალურ გარემოს. ბუნების მოყვარულებისთვის ჩოხატაური ნამდვილად შთამბეჭდავი ადგილია.