ოზურგეთის, ჩოხატაურისა და ლანჩხუთის მუნიციპალიტეტებში ადგილობრივი განვითარების ჯგუფების (LAG) მმართველი საბჭოს წევრები აირჩიეს

ევროკავშირის მხარდაჭერით მიმდინარე პროექტის „მწვანე გურია – ადგილობრივი დემოკრატიისა და სოფლის განვითარების მხარდაჭერა ინკლუზიური და მწვანე ზრდისთვის“ ფარგლებში, ოზურგეთის, ჩოხატაურისა და ლანჩხუთის ადგილობრივი განვითარების ჯგუფების (LAG) მმართველი საბჭოს წევრების არჩევნები გაიმართა.

LAG-ის წევრებმა მმართველი საბჭოს ოზურგეთში 16, ჩოტახაურში 15, ლანჩხუთში 11 წევრი აირჩიეს. მმართველი საბჭოს წევრობაზე კანდიდატურა ოზურგეთში – 38-მა, ლანჩხუთში 20-მა, ხოლო ჩოხატაურში 54-მა კანდიდატმა წარადგინა. მუნიციპალიტეტის LAG-ების მმართველი საბჭოების შემადგენლობა ასე გადანაწილდა:

ოზურგეთი:

• სამოქალაქო სექტორი – 12.5%
• კერძო სექტორი – 43.8%
• საჯარო სექტორი – 43.8%
• ქალი – 50%
• კაცი- 50%

ჩოხატაური:

• სამოქალაქო სექტორი – 13.3%
• კერძო სექტორი – 40.0%
• საჯარო სექტორი – 46.7%
• ქალი – 53.3%
• კაცი- 46.7%

ლანჩხუთი:

• სამოქალაქო სექტორი – 28.6%
• კერძო სექტორი – 28.6%
• საჯარო სექტორი – 42.9%
• ქალი – 71.4%
• კაცი- 28.6%

არჩევნები ფარული კენჭისყრის პრინციპით ჩატარდა. არჩევნების სამართლიან და თანაბარ პირობებში ჩატარებისთვის და მეტი გამჭირვალობისთვის, LAG-ის წევრებსა და მმართველი საბჭოს წევრობის კანდიდატებს საშუალება ჰქონდათ დასწრებოდნენ ხმის თვლის პროცესს. არჩევნების შედეგები დამთვლელი კომისიის მიერ გამოვლინდა.

არჩევნების დაწყებამდე, LAG-ის წევრები მმართველი საბჭოს წევრობის კანდიდატებს, მათ პროგრამასა და საარჩევნო პროცედურებს გაეცნენ.